ياهْل القلم والشّان ردّوا التّهايم عدوانكم استأجروا كل كذّاب إلى متى ما غير نَقرا الظلايم؟ وِاعلامنا يزوّد القوم بأسباب لا تنثرون المال بين الهلايم استثمروا في عقول قاده وكتاب وحطّوا مراكز بحث للشّور دايم تقودها قدراتنا وبعض الاصحاب ولا تستهينوا بادعاء الخصايم ترى الكِذِب إذا لقى إذن جذّاب تقَاسمونا بالخرايط وَلايم ونْصدّق التّطمين من كاَشِر النّاب ترى المسا نذير فجر العظايم تحزّموا لْقادم الوقت بحساب من ضيّع الفرصه دَهَته الهزايم ومن لا يجهّز لـ أخطر أيامها خاب اليوم ما هو يوم لومٍ ولايم اليوم للّي يرفع الرّاس حرّاب وانا ادري إن الكل بالمجد هايم وكلٍ لعز الدّار بالروح وهّاب * «تحزّموا»..